Nytt smittetilfelle med corona i Vestnes
Obs! Artikkelen er mer enn ett år gammel.
Vestnes kommune melder i kveld at det er påvist coronasmitte hos ein person i Vestnes.
Personen som er smitta er ein tilreisande arbeider i VARD som nyleg har kome til brakkeriggen på Trohaugen.
Saka held fram etter annonsen
– Aktiviteten ved VARD sine verft er i ferd med å ta seg opp igjen etter ferien, og alle tilreisande arbeidarar frå utlandet vert no testa av verksemda sitt helseteam ved ankomst, skriv Vestnes kommune.
Vedkommande skal vere symptomfri og har vore i karantene sidan ankomst. Han er no i isolasjon. Det same er personar han har vore i nær kontakt med.
I samarbeid med kommuneoverlege Sabine Relling Brede har VARD gjennomført smittesporing.
– Personen har ikkje hatt kontakt med lokalbefolkinga eller vore i butikkar, skriv Vestnes kommune.