• Hopp til primær menyen
  • Hopp til hovedinnhold
  • Hopp til bunntekst
Vestnesavisa

På nett og papir

Meny
  • Nyheiter
  • Sport
  • Kultur
  • Politikk
  • Næringsliv
  • Barn og ungdom
  • Lesarinnlegg
  • E-avis
  • Dødsannonsar
  • Helsingar
Logg inn
  • Min side
  • Bli abonnent
  • Annonsar
  • Kontakt oss
  • Abonnementsvilkår
Næringsliv
3 minutter lesetid

ILA-utbrot under kontroll på Vågstranda

Sjukdomen infeksiøs lakseanemi er påvist på Salmar sitt anlegg på Reistad. (Arkivfoto)
Tormod Lien
Publisert: 12 desember, 2021 07:48
Oppdatert: 15 desember, 2021 10:17

Det er påvist infeksiøs lakseanemi (ILA) ved oppdrettsanlegget på Reistad. Diagnosen vart slått fast den 7.desember. Det er Mattilsynet som varslar om dette i ei pressemelding.

– Vi har kontroll på situasjonen og jobbar no med å finne gode løysingar i tett samarbeid med Mattilsynet. Med tanke på dei økonomiske og produksjonsmessige konsekvensane for Salmar Genetics AS, har vi heldigvis to solide eigarar i Salmar og Benchmark Genetics. Vi kan dermed ivareta dei tilsette på best muleg måte, dersom vi i verste fall skulle bli utan fisk og rogn i ei kortare periode, fortel Gøran Roland, dagleg leiar i Salmar Genetics AS, som legg til at fisken som er ILA ramma, tilhøyrer Salmar Farming, fisk som Salmar Genetics på Vågstranda lagar rogn av.

Saken fortset etter annonsa

Kontrollområde

– Alle som ferdast i området og driver aktivitet knytt til fiskeoppdrett, må vise naudsynt aktsemd , slik at spredning av eventuell sykdom kan unngåast, skriver Mattilsynet.

Salmar Farming AS varsla sjølv Mattilsynet Region Midt den 26. november om funn som gav grunn til mistanke om ILA etter analyse av prøvar frå fisk. Diagnosen vart stadfesta den 7. desember.

I pressemeldinga til Mattilsynet forklarar dei situasjonen slik: « For å avgrense smittespredning, er lokaliteten ilagt restriksjonar, mellom annet med forbod mot flytting av fisk og rogn utan særskilt løyve.

– Det vil også om kort tid bli etablert eit kontrollområde for å førebygge, avgrense og bekjempe ILA, skriv Mattilsynet.

Eit kontrollområde består av ein bekjempelsessone og ein overvakingssone og vil medføre restriksjonar mellom anna på trafikk i området omkring lokaliteten. Kontrollområdet må forventast å ha ei utstrekning på ca 10-20 km frå lokalitetar ned ILA.

Dette er ILA

ILA forårsakast av et virus som kan føre til sjukdom hos laks. Regnbogeaure kan bli smitta, men utviklar vanlegvis ikkje symptom på sjukdommen ILA. Viruset er ufarleg for menneske.

Lokaliteter med påvist ILA skal slakte ut eller destruere laksen, reingjere og desinfisere anlegget før det skal ligge brakk i minimum tre månadar.

Du vil kanskje også lese

Kattar vert dumpa året rundt – Så unødvendig
Telefon
71 18 00 00

Kontakt oss
redaksjon@vestnesavisa.no
kundesenter@vestnesavisa.no
Ansvarleg redaktør (konstituert) og dagleg leiar
Robin Røkke
Ansvarleg redaktør (permisjon)
Torstein Sønstabø
Redaksjonsleiar (konstituert)
Trine Risvik
Journalist
Knut Andre Haahjem
Annonseseljar
Stian Svendsen
Grafikar
Synnøve Vike Olsen
  • Email
  • Facebook
Kundeservice: Bestill abonnement // Elektronisk utgave // Annonsebestilling // Kontakt // Personvernerklæring
Vestnesavisa © 2022 · Løsningen er designet og utviklet av Dyplink - dyplink.no