Vågstranda barnehage kan bergast

Det har skapt debatt både i bygda og elles etter at Vestnesavisa omtala saka om at barnehagen på Vågstranda kan bli nedlagt. Saka blir tatt opp i torsdagens kommunestyremøte.

Fleire politikarar har allereie engasjert seg etter at Vågstranda Vel har sendt brev til gruppeleiarane. Signal om at barnehagen kan bli berga, har allereie nådd bygda.

– Barnehagen har den største prioritet blant fleirtalet i kommunestyret, trur ordførar Randi Bergundhaugen, som minnar om at det er veldig stramme budsjett, der mange vil ha ein del av dei få kronene kommunen har til overs.

Ordføraren påpeikar også at det gjeldst å prioritere riktig til det beste for alle innbyggjarane, og bekreftar at saka om Vågstranda barnehage er på sakslista til kommunestyret.

– Unngår vi at barnehagen blir nedlagt, blir dette tidenes julegåve, seier leiar i FAU på Vågstranda, Katrine Granerud Straume.

Om politikarane i morgondagens kommunestyremøte går for nedlegging, vil dette få omfattande konsekvensar for mange.