Kongeleg meisterskap på Øverås

Femten potensielle kongar stilte til det tiande dartmeisterskapet på Øverås 29. desember år 2021. Slik gjekk det føre seg.

I ei pressemelding frå arrangør Jøran Gjelsten Lufall skriv han at det var desse som stilte til meisterskapet i år; HMS Kong Gunnar Eik, Jøran Gjelsten Lufall, Marius Flølo, Brage Grønningsæther, Vidar Sterten, Frank Lufall, Sivert Øverås, Ole Kristoffer Hølgenes, Kristian Onstad, Frode Lid, Kjell Inge Vik, Thomas Dolpen, Erling Falck, Freddy Skogvoll og Rune Wåden. Toril Lid var ansvarleg vert og bartender.

Dei fleste har delteke i tidlegare meisterskap og har rutinar på korleis ein skal kome seg til toppen av denne begivenheita. Det vart spelt 238 kampar med dart over ein periode på tretten timar.

Dramatisk finale

Etter innleiande runde var det to gongar Konge Marius Flølo frå Tomrefjord som leia turneringa med 22 av 28 moglege sigarar.

Totalt åtte spelarar gjekk vidare til kvartfinalen, der kong Jøran Gjelsten Lufall vart slått ut av Sivert Øverås.

– Etter kvartfinalar og semifinalar vart det klart av kongen frå 2019 Sivert Øverås, og Bårdsneset store son Gunnar Eik var klar for finale, fortel dei.

I finalen var det fem kampar som starta veldig likt, men dette endra seg raskt.

– Det viste seg at Gunnar Eik ikkje kom til Øverås for å leike seg denne kvelden. Han sabla ned Sivert Øverås i rein Mike Tyson-stil og gjekk dermed til topp i årets turnering, fortel arrangøren.

Etter den dramatisk finale vann Gunnar Eik 3-1, og kan dermed meske seg med tittelen Dartkonge 2022.

– Vi ønskjer å takke Ungdomslaget Frihug og Pizzaking Vestnes, og Knut Marius Djupvik som kom og spreidde glans over arrangementet, avsluttar Jøran Lufall i pressemeldinga.