Stian køyrer på med ny bilverkstad
Stian Talberg Øverland (30) frå Vestnes var avdelingsleiar og satt mest på kontor. Men det var noko han sakna. Nyleg starta han opp eige bilverkstad på Vestnes.
Heime på garden gjekk det i sal av bruktbilar og reparasjon av små maskinar. Samstundes var han tilsett hjå eit bilverkstad.
I desember sa han opp jobben og starta for seg sjølv med Øverland Vedlikehold. No får han gjera litt av alt.
– Det er kjekkast når du kan gjera begge delar, seier Øverland.
Bilverkstad og EU-kontroll
Øverland Vedlikehold tilbyr bilverkstad og EU-kontroll. I tillegg driv han med reparasjon av små maskinar, plenklippar, snøskuter, snøfresar og liknande.
Vestnesavisa møter han i lokale ved sidan av bensinstasjonen på Furland. Øverland seier at han har drøymt om å starte for seg sjølv dei siste ti åra.
Det har rett nok vore altfor dyrt å byggje ein verkstad på nytt. Men når Øverland kom over det ledige lokale så var han ikkje i tvil. Her måtte han køyre på med full gir.
Han bestemte seg i november og tok over i desember. Det gjekk fort unna, som det ofte går med bil.
Femten år med bil
Stian Talberg Øverland er utdanna bilmekanikar, i tillegg har han tatt etterutdanning frå BMW og Porsche.
Han innrømme at han har eit spesielt auge til gamle sportsbilar, spesielt merka ovanfor. Øverland har jobba litt over sju år med BMW og to år med Porsche.
– Totalt har eg jobba med bil i om lag femten år, seier han.
Responsen har vore veldig bra hittil.
– Det verkar som at folk er villige til å prøve, fortel Øverland. Kundane kjem overalt.
Både frå Sjøholt, Molde og Ålesund. Så trur han at enkelte av kundane ikkje har brukt verkstad på Vestnes før.
Stor forskjell
Øverland fortel at det er annleis å jobbe for seg sjølv kontra det å vere tilsett hjå andre bilverkstadar.
– Korleis er det å starte for seg sjølv?
– Stor forskjell. Det er mykje å passe på og halde styr på. Men det er veldig deileg også. Du er veldig fri til å gjera det du vil når du vil, svarar Øverland.
Det er utfordrande å starte for seg sjølv midt i ein pandemi, men det går ganske greitt i hans bransje. Så skal sjølvsagd ting som nøklar, hanskar og setetrekk ofte desinfiserast.
Samstundes er det mykje mindre kundekontakt enn hjå andre arbeidsplassar. Dei fleste sett frå seg bil og nøklar.
Kvalitet og personlegdom
Stian Talberg Øverland forklarar til Vestnesavisa at han skal gjera alt for at kundane skal bli sett og høyrt.
– Kvifor velje Øverland Vedlikehold?
– Eg vil seie at det er veldig personleg. Det er same person som tek i mot kunden, reparera og levera ut til kunden. Så skal det vere topp kvalitet på alt arbeid som skal utførast. Det er kvaliteten og personlegdom, seier Øverland.