Deltok i NRKs Klassequizen

I fjor haust konkurrerte 48 skular frå fylket i Klassequizen i regi av NRK. Slik gjekk det med dei to ungdomsskulane frå Vestnes.

Dei innleiande rundane av quizen for ungdomsskulane Helland og Tomrefjord gjekk av stabelen torsdag 21. oktober i fjor.

Helland fekk åtte poeng fordele på kategoriane adresse, straum, vi og kant. Magnus Severin Vollan, Solveig Tomren Slemmen og Solveig Grace Maier Eidhamar fekk bryna seg på spørsmåla i konkurransen.

Tomrefjord svarte på spørsmål med utgangspunkt i kategoriane nord, blad, smart og bokstaven «F». Ni poeng fekk laget som bestod av Henrik Tomren, Malin Gjengstø Frostad og Anthonie Eiken Faksen.

Utslått

Ingen av skulane frå Vestnes gjekk vidare til semifinale. Det gjorde rett nok Tustna barne- og ungdomsskole, Vågsetra barne- og ungdomsskole, Kolvikbakken ungdomsskole og Skarbøvik ungdomsskole.

Svaret om kven som går vidare til fylkesfinalen får me denne veka. Der ventar Spjelkavik ungdomsskule og Altanten ungdomsskule. Begge fekk 12 poeng i sine innleiande rundar.