Får 100 000 kroner til nytt tak

Kjelbotn Bedehus får 100 000 kroner frå Kulturminnefondet til å legge nytt tak. Bedehuset vart bygd i 1909 og har eit stort behov for modernisering av taket.

Tilskotet skal brukast til å legge om skifertaket med ny takpapp, reperasjon av tro og sperrer, skifte vindskier og montere nye beslag og takhatt i sink.

– Skifertak held normalt sett svært lenge, og ofte er det slik at det held å bytte ut dei platene som er ødelargt. Då er mykje gjort for å bevare bygget sitt uttrykk, seier direktør i Kulturminnefondet, Simen Bjørgen.

Kjellbotn bedehus har vore forsamlingshus brukt av både Sjømannsmisjonen og Indremisjonen. Det er «Bedehusets venner», ein privat organisasjon, som eig bedehuset i dag. I tillegg til eigne arrangement leiger dei ut til private arrangement som 17. mai-feiring og bursdagar.

– Me er opptekne av at kultuminna skal leve vidare og at bygg som bedehus skal brukast aktivt. Difor er me svært positive til at Bedehuset venner vil drive med ny næring slik at bygget kan vere eit aktivt kulturminne også i framtida, seier Bjørgen.

Han opplyser at det har kome over 50 prosent fleire søknadar til Kulturminnefondet så langt i år som i heile fjor.

Kulturminnefondet er ein statlet tilskotsordning for private eigarar og frivillige organisasjonar. Det er direkte underlagt Klima- og miljødepartementet. Kulturminnefondet er eit lågterskeltilbod til eigarar som vil setje i stand sine kulturminne.