Ole-Martin og Thomas med bronsemedalje i open stafett

Noreg sikra bronsemedalje i 4 x 2,5 kilometer open stafett i paralangrenn i helga. På pallen stod Ole Martin Lid frå Tomrefjord og Thomas Karbøl Oxaal.

Lid har vore følgjesvein for Oxaal som har nedsett syn under Paralympics i Beijing.

Natt til søndag norsk tid stod tomrefjordingen Lid og Oxaal på startstreken for Noreg i 4 x 2,5 kilometer open stafett.

Duoen danna lag saman med Kjartan Haugen og Vilde Nilsen.

Ukraina stakk av med vinnarmedalje medan Frankrike tok sølv. Oxaal gjekk siste etappe for Noreg og sikra bronsemedaljen.

Sju medaljar for Noreg

Totalt vart det sju medaljar på Noreg under Paralympics.

Jesper Saltvik Pedersen blei kongen av Paralympics med heile fire gull. Vinnarmedaljane vart sikra i øvingane super-G, superkombinasjon, storslalåm og slalåm. Han fekk samstundes sølv i utfor.

Nilsen mottek sølv under sprintdistanse for ståande. Lid, Oxaal, Haugen og Nilsen stod for Noregs siste medalje.

Det vart også niandeplass for Oxaal for utøvarar med nedsett syn under langrenn 12,5 kilometer laurdag. Tidlegare i Paralympics spurta han inn til tolvteplass på sprintkvalifiseringa. Her var det dei åtte beste som gjekk vidare til semifinale.