Nattestengt på Molde ferjekai for arbeid
Molde ferjekai vert stengt natt til fredag for oppgradering til nytt hydraulisk aggregat.
Ferjekaien vert stengt torsdag klokka 2245 og opnar att fredag klokka 0630.
Saka held fram etter annonsen
Stenginga er knytt til påkobling av det nye hydrauliske anlegget og styresystema på Molde ferjekai.
I tida ferjekaien er stengt vil ferja mellom Vestnes og Molde ha anløp på Hollingsholm ferjekai.
Det vil bli sett opp transport for gåande og syklande på ferja i perioden det er stengt.
– Me beklagar ulempene for trafikantane, men dette er ei heilt naudsynt stenging for å få utført desse viktige arbeida, seier byggeleiar Erik Andreas Tornes i Statens vegvesen.
Reisande vert oppfordra til å følge med på trafikkmeldingar frå Boreal og Statens vegvesen for å halde seg oppdatert.
